歐霸盃，全名歐洲足協歐霸盃（UEFA Europa League），原名歐洲足協盃（UEFA Cup，簡稱歐協盃），係歐洲足球協會每年搞嘅球會足球賽，而家係比歐洲聯賽冠軍盃次一級嘅賽事。1971年搞第一屆，2009年同歐洲足協圖圖盃合併並且改名，但屆數繼續計落去。

「歐霸盃」呢個譯名嚟自香港，當中「歐霸」係將「Europa」個名前半截意譯同後半截音譯，「盃」就沿用返歐協盃時期叫開嘅「盃」。而中國大陸同臺灣都直譯做「歐洲聯賽」。