達拉斯獨行俠（英文：Dallas Mavericks），係一支以德薩斯州達拉斯為基地嘅NBA球隊。老闆係以互聯網生意興家、敢怒敢言嘅Mark Cuban。喺2018年1月球隊將中文譯名正式定為獨行俠之前，譯做達拉斯小牛、達拉斯牛仔、達拉斯小馬。

達拉斯獨行俠喺1980年創會，喺2006年球會第一次打入NBA總決賽，但係贏咗頭兩場之後連輸四場，攞唔到NBA總冠軍，嗰年嘅NBA總冠軍係由同樣係第一次打入NBA總決賽嘅邁亞美熱火攞咗。2011年達拉斯牛仔再次打入NBA總決賽，並以4-2贏邁亞美熱火，第一次攞NBA總冠軍。