阿仙奴（英文：Arsenal；全名阿仙奴足球會，英文：Arsenal Football Club）係英格蘭倫敦嘅一間足球會，係英格蘭超級足球聯賽嘅參賽球隊之一。

阿仙奴早響1886年成立。自1919年開始就升上英格蘭最高組別賽事，當時係甲組。自此之後佢一直都冇降班，贏過10屆頂級聯賽冠軍。英超響1992年成立，阿仙奴贏咗三屆英超聯冠軍。

以前佢哋係以防守力強出名，但自法國領隊雲加上台後改為進攻型踢法，攻力因此強咗，不時會大炒對手，但係兵源不足一直都係阿仙奴最大嘅弱點。

曾在阿仙奴喺2005年攞到足總盃之後，連續八季冇盃落袋，終於喺2013-14球季，由艾朗藍斯喺足總盃決賽加時射入致勝一球，結束接近九年無冠嘅場面。

阿仙奴原本個主場係高貝利球場，響2006年就轉到酋長球場。