利物浦直播

  • 2024-03-02
  • 23:00
    Premier League
    諾定咸森林
    VS
    利物浦
  • 2024-03-10
  • 23:45
    Premier League
    利物浦
    VS
    曼城
  • 2024-03-17
  • 22:00
    Premier League
    愛華頓
    VS
    利物浦

熱門球隊

利物浦簡介

利物浦

利物浦足球會(英文:Liverpool Football Club)係英格蘭超級足球聯賽嘅球隊之一,喺英格蘭西北港口城市利物浦,係英格蘭最出名同埋最成功嘅足球會之一。

利物浦喺1892年成立。佢哋曾經十八次攞到聯賽冠軍、七次足總盃同聯賽盃冠軍、6次歐聯冠軍加埋三次歐洲超級盃冠軍。利物浦攞歐聯、歐協、聯賽盃同埋歐洲超級盃嘅次數都係全英國最多嘅,本土頂級聯賽、足總盃呢兩項主要賽事就唔係。利物浦雖然英超成立以來一直喺英超踢波,但係英超改制後近卅年都未攞過一次冠軍,最終喺2020年6月25號,曼城作客車路士輸波,賽後31戰得63分,落後榜首利物浦23分,喺聯賽剩返7輪賽事嘅情況下,曼城宣告衛冕失敗,令到利物浦30年嚟首次贏到英超改制後嘅頂級聯賽冠軍。

利物浦喺21世紀早期曾經係英格蘭「Big 4」之一,喺2001年奪得三冠王,包括歐洲足協盃、英格蘭聯賽盃同英格蘭足總盃。賓尼迪斯做領隊之後,球隊成績更上一層樓,2005年更加喺半場落後3球之下,下半場連入三球,再喺十二碼大戰反勝AC米蘭,攞到歐聯冠軍。之後,2006年又喺足總盃決賽落後韋斯咸兩球之下,憑住施斯入一粒加上謝拉特梅開二度,包括被稱為「神奇、頂級、超卓」嘅四十幾碼外遠射補時入波,順利令場波要打加時,最後十二碼大戰羸埋。

但後來成績一落千丈,甚至有好幾年都打唔入前四,無得打歐聯。喺鶴臣做領隊嘅時期,更加試過跌出前十,結果佢半年就俾人炒咗。之後經過杜格利殊短暫年半做過領隊,球隊成績開始慢慢回復,但第二季2011-2012又因為成績唔好,雖然重奪聯賽盃,但聯賽只得第八而辭職。後來,羅渣士上任,利物浦終於迎來一個短暫復蘇,更憑住成隊波,尤其是蘇亞雷斯嘅神勇表現,經過十一連勝,喺2013-2014年英超賽季重剩番三場嘅時候,仍然排喺榜首,但喺尾三嗰場輸畀車路士,而曼城喺最後五輪全勝,所以結果以兩分之差失落英超冠軍。但係之後嗰季主力蘇亞雷斯走咗,隊波無咗前場領袖,唔單只歐聯分組賽出局,聯賽亦都只得第六。直到2015年10月高普接替羅渣士,用人唯才,第一季已經帶隊打入聯賽盃決賽同歐霸決賽,但分別輸畀曼城同西維爾。而第二季買咗文尼、雲拿當等人之後,雖然一月無贏過波,但係季尾發威,終於繼2014年之後再次攞到前四,可以直入歐聯分組賽。