皇家貝迪斯（Real Betis Balompié）係一間位於西班牙安達盧西亞首府西維爾嘅足球會，喺1907年成立，隊波主場係貝尼托·比拉馬林球場，舊名洛佩拉球場以上一任主席 Ruíz de Lopera 命名，可容納 52,500 人。

自成立以嚟皇家貝迪斯贏過一屆西甲聯賽冠軍，但已經係二次大戰前嘅事，其他時間多數喺聯賽中下游打滾。不過呢支球會向嚟以野心稱著，好似1998年皇家貝迪斯曾以破世界紀錄嘅轉會費買咗巴西國腳丹尼臣，但因丹尼臣未能交出表現，七年後離開球會。