皇家蘇斯達（西班牙文：Real Sociedad de Fútbol，'皇家社會足球'）係一間位於西班牙巴斯克地區嘅聖塞瓦斯蒂安嘅足球會，係西班牙甲組足球聯賽嘅球隊之一。喺1909年9月17號成立，以阿諾埃塔運動場為主場，可容納32,000人。

皇家蘇斯達早喺1928年就已經踼緊西甲聯賽，係西甲首批聯賽球隊之一，第一屆攞到聯賽第四名。球會史上最佳成績就喺80年代兩奪聯賽冠軍，近年皇家蘇斯達簽入多名優質外援，協助佢喺2002-2003賽季成為咗聯賽亞軍。但喺2006-2007賽季只係名列西甲聯賽第19位，要降班。經過三個賽季嘅努力後，喺2009-2010賽季攞到西班牙乙組足球聯賽冠軍，再次升班西甲。