巴塞隆拿足球會粵拼：baa1 coi3 lung4 naa4 zuk1 kau4 wui2*6 （西班牙文：Futbol Club Barcelona），中文非官方簡稱巴塞（baa1 coi3），係一間世界頂級嘅西班牙足球會，同皇家馬德里、皇家愛斯賓奴係宿敵。

巴塞隆拿位處西班牙大城市巴塞隆拿，早響第二次世界大戰之前，已經同皇家馬德里有牙齒印。佢贏過廿幾屆西班牙甲組足球聯賽冠軍。歐冠盃巴塞隆拿要等到1991年至第一次贏得，2006年、2009年、2011年同埋2015年再贏多四次。

佢嘅主場係魯營球場，可以容納多達99,354人，係全歐洲最大兼全世界第三大足球場，踢法以地面足球為主，現時被外界視為球壇中史上最強，又名地上最強球隊。